Patani Dano ng Survivor Phillippines lumaki na ang Ulo

TINANGGI ng isang staff member ng Survivor Philippines na lumaki na ang ulo ni Patani Dano mula nang matupad ang pangarap nito na magkaroon ng maraming TV exposure.

“Lagi lang pong dilat dahil hindi nakakatulog ng sapat,” ang sagot ng staff member tungkol kay Patani.

“Pataniacs” ang tawag ng mga tagahanga ni Patani sa kanilang grupo.

Matutuwa ang Pataniacs kapag nalaman nila na interesado kay Patani ang T.A.P.E. Inc., ang producer ng Eat Bulaga.

Kinausap na ng isang executive ng TAPE Inc. ang exe­cutive producer ng Survivor Philippines tungkol sa posibilidad na maging regular si Patani sa Eat Bulaga.

Ang Eat Bulaga ang isinagot ni Patani nang tanungin ito tungkol sa programa ng GMA 7 na gusto niya na maka­bilang siya.